14 vjet rrugetim me “Mjedisin SOT”…

Besnik Baka

Me nje lajm nga “Shekulli” mbi investimet e nevojshme dhe pastrimin e qytetit ne prag te sezonit te ri turistik, Mjedisi Sot nisi si sot, 14 vite me pare rrugetimin e tij si nje medium I nevojshem per te informuar audience mbi ngjarjet mjedisore ne vend, rajon dhe glob. Nder vite gjate tranzicionit, gazetaria mjedisore perfaqesohej nga artikuj e kronikat e rastesishme ne mediat e shkruara dhe elektronike. Ato pak lajme mjedisore, ne televizione humbnin ne morine e informacionit, ndersa neper gazeta ´ngjesheshin´ nepercepat e faqeve. Nevoja per nje ze te unifikuar e me te forte ne boten e informacionit mjedisor solli botimin e buletinit elektronik “Mjedisi SOT”, ku perfshihen lajmet dhe artikujt e perditshem ne fushen e mjedisit, botuar cdo dite ne median e shkruar apo ate elektronike, si dhe contribute te autoreve tendryshem ne kuader te revistes. Nje burim i lire, i vazhdueshem dhe i gjithanshem informacioni ne fushen e mjedisit, Mjedisi Sot nuk preket nga asnje axhende editoriale, pasi informacioni eshte pasqyrim transparent i autoreve te ndryshem ne median vendase e te huaj, pavaresisht pikepamjeve te tyre. 

Po ne vitin 2000, pak muaj me vone, duke u ndergjegjesuar per rrjetin e gjere te bashkepunetoreve te saj dhe ekspertizen ne rritjen e fushave kyçe te mjedisit, REC ndjeu detyrimin per te kontribuar drejteperdrejte ne informimin publik, ndaj mundesoi botimin e revistes periodike me te njejtin titull. Fillimisht e perdyjavshme,  e me tej si nje reviste e plote periodike, me artikuj e analiza, ne formen qe botohet edhe aktualisht. Pas 14 vitesh, jane qindra studiues dhe eksperte mjedisore, qe jane bere pjese e revistes, duke dhene kontributin me artikuj dhe analiza qe shpesh kane qene burim alternative informacioni per çeshtje te rendesishme.

Paçka sfidave dhe zhvillimeve te tranzicionit Mjedisi Sot asnjehere nuk pushoi se botuari e nuk ndaloi se foluri problematiken aktuale dhe informin e gjere ne fushen e mjedisit. Zhvillimi i ´Mjedisit Sot´, krahas mbeshtetjes qe Qendra Rajonale e Mjedisit REC Shqiperi ka dedikuar per ngritjen e nivelit te raportimit ne fushen e mjedisit ne vend nepermjet iniciativave te ndryshme, i dha nje nxitje lajmit mjedisor ne median e shkruar dhe ate elektronike. 

Aktualisht buletini informativ i perditshem shperndahet ne rreth 4000 adresa elektronike, nderkohe qe revista periodike Mjedisi Sot ka nje tirazh prej 400 kopje, me mjaft vizitore edhe ne faqen e saj online www.mjedisisot.info 

Me zhvillimin dhe perhapjen e medias sociale, tashme Mjedisi SOT ka me shume se 2000 miq edhe ne facebook, ndersa blogu: http://mjedisisot.blogspot.com/  i dedikohet nje audience me te specializuar ne fushen e mjedisit, ku mund te gjeni shkrime nga ekspertet mjedisore per çeshtjet e dites.

Perveç te tjerave Mjedisi SOT, gezon nje arkive te gjere te te gjitha lajmeve dhe artikujve mjedisore ne 14 vitet e fundit te botuara ne median e shkruar dhe ate elektronike. Ky arkiv eshte i disponueshem per te gjithe gazetaret apo studiuesit. Trashegimia e lajmeve te Mjedisit SOT qe nis 14 vjet me pare, eshte nje reflektim per te kaluaren, por edhe nje perballje e ve rtete me te tashmen. Sepse ai lajm qe hapi Mjedisin Sot, 14 vjet me pare mbi nevojen e permiresimit te infrastructures ne qytetin e Pogradecit mund te shkruhet edhe sot ne prag te çeljes se sezonit te ri turistik te vitit 2014…

Uji i pijshëm në zonën e Velipojës!

Nexhat Dula

Ekspert i promovimit shëndetësor-Gjakovë 

Sot, kur lexova artikullin me titull:  “S'ka leke per klor, uji i ndotur ne zonen e Velipojes!, vërtet u                  ndjeva keq, shumë keq, dhe thashë me vete: Kjo është e pafalshme, e papërgjegjshme, katastrofale,             dikush duhet të përgjigjet për këte. Përveç tjerash, ja edhe pse.  

Në qershor të këtij viti, me të arritur në Velipojë, vendin tim të preferuar për pushime, e duke e ditur që më parë se uji i pijshem këtu nuk është i sigurtë, fillova të blej ujë të pijshëm në market. Këtë e bëra jo vetëm nga përvoja paraprake, por edhe nga leximi i mëhershëm në “Mjedisi Sot” se kohë më parë punëtori i ujësjellësit të Velipojës kishte dhënë doreheqje nga puna në këtë ujësjellës, sepse nuk mund të duronte më të gënjejë se uji i ujësjellësit po klorizohej dhe ishte në rregull.  Një ditë, i zoti i shtëpisë ku banoja, më tha: “Pse bre po blen ujë e po shpenzon para, uji është i pijshëm” dhe në shenjë vërtetimi mori një shishe, e mbushi në çezme dhe e piu, duke dashur kështu të më bindte se uji është në rregull, e më tha: “ A mos po mendon se  uji që po e blen me bidonë është me i sigurt se ky”?. Ngela pa tekst dhe thashë me vete: “Janë në vete këta përgjegjës të komunës që lejojnë një gjendje të tillë të pasigurt, në një vend turistik ku frekuentojnë me djetëra mijëra njerëz gjatë një sezoni turistik?

               

Edhe WC-të publike të ndërtuara buzë shetitores në plazh, për shkak të mosmirëmbajtjes higjienike, janë të papërdorshme dhe kundërmojnë erë të keqe.Rrugët e Velipojës, në ditët që kishte rënë shi, ishin mbushur me ujë dhe duhej përvjelë për të kaluar nëpër to, ndërkohë që askujt nga komuna, me ditë të tëra nuk i shkonte mendja të bëjë diçka për lirimin e tyre.Ka edhe shumë gjëra që lënë për të dëshiruar që gjendja të jetë më e mirë, por për këto një herë tjetër.

Mendoj se faji për gjendjen e përshkruar është shumë strukturor, por përveç strukturave komunale, një pjesë e fajit i bie edhe Drejtorisë së Shëndetit Publik, sepse angazhimi i saj ka ngelur vetëm në konstatimin e gjendjes dhe dhënies së një apeli të thjeshtë, pa asnjë ndërmarrje konkrete për parandalimin e saj. Së pari reagimi i DSHP është tepër i vonuar, për shkak se tanimë këtë ujë e kanë pirë me dhjetëra mijëra pushues. Së dyti, DSHP duhej të reagonte më rreptë para fillimit të sezonit veror 2014, në të gjitha instancat relevante shtetërore që të mos fillojë sezoni “turistik” kështu. Së treti, nëse asgjë më tepër, kjo drejtori ka qenë dashur të vendosë dhe shpërndajë gjithandej Velipojës mbishkrime me informim se uji i ujesjellësit të Velipojës nuk është i pijshem dhe në këtë mënyrë t`i njoftojë pushuesit që mos ta pijnë këtë ujë te ndotur. Me mosbërje të kësaj detyre DSHP ka lejuar të rrezikohet shëndeti i mijëra pushuesve nga shumë sëmundje, sidomos nga grupi i infektimit të zorrëve. Nuk dihet se sa pushues kanë mundur të infektohen, sepse nuk ka as evidencë të mirëfilltë të të infektuarve, me që ilaçet merren në disa të ashtuquajtura “ordinanca” që gjithçka mund të jenë, por ordinanca të mirëfillta jo. Paradoksi është edhe më i madh kur dihet se në Velipojë nuk ka objekt të mirfilltë të ambulancës shtetërore me personel specialistik, hapësirë stacionari dhe pajisje përkatëse.

 Në fund, për të mos u dukur gjithçka zi, po përmendi disa gjëra të mira që janë bërë këtë vit në plazh, si kabinat për ndërrimin e rrobeve të plazhit dhe dushet. Sa i përket pastërtisë së plazhit, gjendja ishte më mirë se viteve të kaluara, por ka edhe shumë për t`u bërë që gjendja të jet e mirë. 

Duke u nisur nga ajo që u tha më sipër, mendoj se nevojitet një intervenim urgjent i organeve të qeverisë që gjendja higjieniko sanitare në plazhin e Velipojës të përmirësohet. Është mëkat që një perlë bregdetare me resurse natyrore të pashoqa, kështu të lëshohet dore.